Growthhub

მიკრომეწარმეობის ხელშეწყობა

პროგრამის მიზანი:

პროგრამის მიზანია აფხაზეთიდან იძულებით გადაადგილებული პირების მიკრომეწარმეობაში ჩართვის სტიმულირება, მათი სამეწარმეო პოტენციალისა და კონკურენტუნარიანობის გაზრდა, აფხაზეთიდან იძულებით გადაადგილებული პირების ეკონომიკური აქტიურობის ხელშეწყობა.

პროგრამის მოკლე აღწერა:

პროგრამის ამოცანას წარმოადგენს აფხაზეთიდან იძულებით გადაადგილებული პირებისთვის მიკრომეწარმეობის დაწყებისა და განვითარების ხელშემწყობი პირობების შექმნა და ფინანსურ რესურსებზე ხელმისაწვდომობის გაზრდა გრანტის გაცემის გზით.

პროგრამა ითვალისწინებს გრანტის გაცემას სააგენტოს აწარმოე საქართველოში მიკრომეწარმეობის პროგრამის ფარგლებში დამტკიცებული და სრულიად ათვისებული სესხის 25% -ის ოდენობით.

პროგრამის სამიზნე ჯგუფი და გეოგრაფიული არეალი:

„მიკრომეწარმეობის მხარდაჭერის სახელმწიფო პროგრამის დამტკიცების შესახებ“ საქართველოს მთავრობის 2024 წლის 12 ივლისის #229 დადგენილებით განსაზღვრული, სსიპ „აწარმოე საქართველოს“ მიერ განხორციელებული, მიკრომეწარმეობის მხარდაჭერის სახელმწიფო პროგრამის ბენეფიციარი მეწარმე სუბიექტი, რომელსაც მინიჭებული აქვს აფხაზეთიდან იძულებით გადაადგილებული პირის - დევნილის სტატუსი ან „მეწარმეთა შესახებ“ კანონის საფუძველზე რეგისტრირებული მეწარმე იურიდიული პირი, რომლის 50% ან მეტ წილს ფლობს აფხაზეთიდან იძულებით გადაადგილებული პირის - დევნილის სტატუსის მქონე პირი, რომელსაც სახელმწიფო პროგრამით განსაზღვრულ ვადაში სრულად აქვს ათვისებული სახელმწიფო პროგრამის ფარგლებში დამტკიცებული სესხის სრული ოდენობა. პოტენციური ბენეფიციარი უფლებამოსილია, საგრანტო განაცხადი წარადგინოს სამინისტროში არაუგვიანეს სახელმწიფო პროგრამის ფარგლებში სესხის დამტკიცებიდან 24 თვის ვადაში.

პროგრამა განხორციელდება საქართველოს მთელ ტერიტორიაზე

პროგრამაში მონაწილეობის კრიტერიუმები:

პოტენციური ბენეფიციარი უნდა იყოს აფხაზეთიდან იძულებით გადაადგილებული პირი / იურიდიული პირის შემთხვევაში, 50% ან მეტი წილის მფლობელი უნდა იყოს აფხაზეთიდან იძულებით გადაადგილებული პირის - დევნილის სტატუსის მქონე პირი.
პოტენციურ ბენეფიციარს მონაწილეობა უნდა ჰქონდეს მიღებული „მიკრომეწარმეობის სახელმწიფო პროგრამაში“.
პოტენციური ბენეფიციარის მიერ სრულად და მიზნობრივად უნდა იყოს ათვისებული სახელმწიფო პროგრამის ფარგლებში გაცემული სესხი.

გრანტის გაცემა მოხდება რიგითობის პრინციპით, პროგრამისთვის გამოყოფილი თანხის სრულ ამოწურვამდე.

პროგრამის ფარგლებში წარმოსადგენი დოკუმენტაცია:

ამონაწერი მეწარმეთა და არასამეწარმეო (არაკომერციული) იურიდიული პირების რეესტრიდან
ბენეფიციარის პირადობის დამადასტურებელი დოკუმენტი (ID/პასპორტი) / იურიდიული პირის შემთხვევაში, 50% ან მეტი წილის მფლობელი აფხაზეთიდან იძულებით გადაადგილებული პირის პირადობის დამადასტურებელი დოკუმენტი (ID/პასპორტი)
ბენეფიციარის / იურიდიული პირის შემთხვევაში, 50% ან მეტი წილის მფლობელი აფხაზეთიდან იძულებით გადაადგილებული პირის დევნილის სტატუსის დამადასტურებელი დოკუმენტი
ცნობა სსიპ “აწარმოე საქართველოდან” / მონიტორინგის შედეგის ამსახველი დოკუმენტი, რომელიც ადასტურებს „მიკრომეწარმეობის მხარდაჭერის სახელმწიფო პროგრამაში ბენეფიციარის მონაწილეობასა და სესხის თანხის სრულად და მიზნობრივად ათვისებას. (სახელმწიფო პროგრამის ფარგლებში სესხის დამტკიცების თარიღისა და სესხის მოცულობის მითითებით)
იურიდიული პირის შემთხვევაში, შესაბამისი წარმომადგენლობითი უფლებამოსილების დამადასტურებელი დოკუმენტი და პირადობის დამადასტურებელი დოკუმენტი. ( წარმომადგენლობითი უფლებამოსილების დამასდტურებელი დოკუმენტის წარმოდგენას არ საჭიროებს იურიდიული პირის დირექტორი)
საბანკო რეკვიზიტები (ელექტრონული ვერსია);